MARIO MEDINA

EXTERMINIO​​

​​​​

​

Ziix quih iti cötpacta ma, ihimjöc zo he cöimaaizi hac hapx iicp mocat 

tamocat ziix quih imiipe quih iti he haaizi hac cahcaail iha, ziix quih cöihaii 

quih cöispaa hac.

 

Pte hatafp ma tiipe xo x, hant ihiip zo cöimpaa hac, pac haa toii xiica 

quiijajquim ih imoonec 

haxaaza cöiicö yamtxö cöcatax quij, ihmaa hac ziix quih àno coopot xah.

​

Hacx icamiih xah, taax hant quinej

quih thaa iquimoz quih ziix quiisax

quij coisahnaalj hac tomhaa ma.

​

Yooz iitom hac oo cöpopah ihiini sahcaaix haa yax, España hac iicp cmiihat 

hac hanso cöiseemet hac thaa ma.

​

Xiica quixaazjoj ziix inaail quih iiqui cöhapaii. 

​

Caaytaj haai cahip ziix inaail quih caziim quih ziix iicp àno cöicooxquim 

quih imoteja haxaazc quih iicp cyai tamocat iicp cöihayai quih.

​

Ziix quih imiipe quih iti cöimaaizi xicaquiistox coi.

​

Ziix quih imiipe quih oo cöitaai cötocaaaxoj ma hant queejim quij íti 

cömoopox

hant iij quiij hoyaat quij iiqui hamatoocl 

hant it hant icooca quih sahnzaait ca quih thaa ma.

 

Taax iti hatoii hihiistox com hammiix 

taax iti hatoii hihiistox com cöhamoosi

taax iti cöhayaii hac hanso ihiini himoii isoj iha.
 

​​

​​

​​